Related Posts
Category : Sports
IPL 2025: ગુજરાતને બેંગલુરૂને 8 વિકેટથી હરાવ્યું, જોશ બટલર અને સાઇ સુદર્શનની તોફાની બેટિંગ
આઇપીએલ-2025માં 3 એપ્રિલના રોજ ગુજરાત ટાઇટન્સ અને રૉયલ ચેલેન્જર્સ બેંગલુરુ વચ્ચે મુકાબલો હતો. જેમાં ગુજરાતે બેંગલુરૂને 8 વિકેટથી હરાવ્યું છે. બેંગલુરુના એમ. ચિન્નાસ્વામી સ્ટેડિયમમાં ગુજરાત તરફથી યુવા ખેલાડી શુભમન ગિલ અને બેંગલુરુ તરફથી રજત પાટીદારે ટીમની કમાન સંભાળી હતી. જેમાં ગુજરાતે ટોસ જીતીને બેંગલુરુને બેટિંગ કરવાનું આમંત્રણ આપ્યું હતી.
ગુજરાતની 8 વિકેટથી જીત
ગુજરાતે ટોસ જીતીને બેંગલુરૂને પહેલા બેટિંગ આપી હતી. જેમાં બેંગલુરૂએ 20 ઓવરમાં 8 વિકેટના નુકસાન પર 169 રન બનાવ્યા હતા. જેના જવાબમાં ગુજરાતે 17.5 ઓવરમાં 2 વિકેટના નુકસાન પર 170 રન બનાવ્યા હતા. આમ, મેચમાં ગુજરાતે 8 વિકેટથી જીત મેળવી હતી.
મેચમાં ગુજરાત ટાઇટન્સના કૅપ્ટન શુભમન ગીલ અને બેંગલુરુના કૅપ્ટન રજત પાટીદાર વચ્ચે ટોસ ઉછાળાયો છે, જેમાં ગુજરાત ટોસ જીતીને બેંગલુરુને બેટિંગ કરવાનું આમંત્રણ આપ્યું છે.
બંને ટીમોએ અત્યાર સુધી રમેલી મેચોના સ્કોર મુજબ વાત કરીએ તો બેંગલુરુ સામે ગુજરાતનું પલડું ભારે છે. આમ તો બેંગલુરુ તેની બંને મેચ રમી છે અને ગુજરાત બે મેચ રમીને એક મેચ હાર્યું છે, જોકે આ મેચોમાં ગુજરાતની ટીમે સૌથી વધુ સ્કોર નોંધાવ્યો છે. બેંગલુરુએ તેની પ્રથમ મેચમાં સાત વિકેટે 197 રન અને બીજી મેચમાં ત્રણ વિકેટે 177 રન નોંધાવ્યા હતા, જ્યારે ગુજરાતે તેની પ્રથમ મેચમાં 8 વિકેટે 196 રન અને બીજી મેચમાં પાંચ વિકેટે 232 રન નોંધાવ્યા હતા. આમ બંને ટીમે વચ્ચે આજે હાઇસ્કોરીંગ મેચ થવાની પણ સંભાવના છે.
સાઈ સુદર્શને બે ફિફ્ટી ફટકારી
સાઈ સુદર્શન ગુજરાત ટાઇટન્સ માટે મુખ્ય બેટ્સમેન તરીકે ઉભરી આવ્યો છે. તેણે આ સિઝનમાં સતત બે મેચમાં અડધી સદી ફટકારી છે. તે હાલમાં ગુજરાતની ટીમનો સૌથી વધુ રન બનાવનાર ખેલાડી છે. ગુજરાતનો જોસ બટલર મોટો સ્કોર કરશે તેવી અપેક્ષા છે. તેણે અડધી સદી ફટકારવા ઉપરાંત 39 રનની ઇનિંગ રમી છે.
Load more
